Scandal: Season 1

ပူရလောင်ရတဲ့ ဇာတ်ကားတွေကိုမှ ကြိုက်နှစ်သက်တဲ့ သူတွေအတွက် လက်စားချေရင်း မြိုင်မြိုင်ဆိုင်ဆိုင် ပူလောင်ရမဲ့ ဇာတ်ကားလေးလာပါပြီ။ ဒီဇာတ်ကားမှာတော့ ကေဒရာမာ ပရိသတ်ကြီးတို့ သိကြတဲ့ မင်းသမီး Han Chae-Young၊ Han Bo-Reum နဲ့ မင်းသား Choi Woong တို့က အဓိကပါဝင်သရုပ်ဆောင်ထားပါတယ်။

ဇာတ်လမ်းအကျဉ်းလေးကတော့ –
မွန်း​ဂျောင်အင် (Han Chae-Young) ဆိုတဲ့အမျိုးသမီးက အရမ်းရည်မှန်းချက်ကြီးသလို အောင်မြင်မှုအတွက်သာဆို ဘာမဆိုလုပ်နိုင်တဲ့သူဖြစ်တဲ့အလျောက် ငွေမျက်နှာတစ်ခုတည်းနဲ့ ဆရာဝန်ဘဲ့ဒုံဟိုကို လက်ထပ်ကာ ဘဲ့ဒုံဟိုရဲ့ ပိုင်ဆိုင်မှုတွေကို သိမ်းယူပြီး သူ့ကိုရက်စက်စွာ ထားပစ်ခဲ့သူပါ။
အဲဒီနောက် မွန်း​ဂျောင်အင်က ဒရာမာတွေကို ရိုက်ကူးထုတ်လုပ်တဲ့ ကုမ္ပဏီရဲ့သူဌေးတစ်ယောက်ဖြစ်လာပြီး အောင်မြင်တဲ့သူတစ်ယောက်ဖြစ်လာခဲ့ပါတယ်။
ဘဲ့ဒုံဟို မှာကလည်း သူ့ရဲ့ အရင်အိမ်ထောင်နဲ့ရတဲ့ ဘဲ့​ဆောအာ (Han Bo-Reum) ဆိုတဲ့ သမီးလေးတစ်ယောက်ရှိပေမဲ့ မွန်း​ဂျောင်အင်ကြောင့် သူမက မိဘမဲ့ဂေဟာမှာ ကြီးပြင်းလာရသူပါ။
ဘဲ့​ဆောအာက မိဘမဲ့ဂေဟာမှာ သူနဲ့အတူတူ ကြီးပြင်းလာခဲ့တဲ့ ​ဆောဂျင်ဟို (Choi Woong)ဆိုတဲ့ ကောင်လေးနဲ့ ချစ်ကျွမ်းဝင်ပြီး လက်ထပ်ဖို့အထိ စီစဉ်ခဲ့‌ကြပေမဲ့ မင်းသားဖြစ်ချင်တဲ့ ​ဆောဂျင်ဟိုကတော့ မွန်း​ဂျောင်အင်နဲ့ တွေ့ဆုံပြီး လက်ထပ်ပွဲကိုပေါ်မလာဘဲ ပျောက်ကွယ်သွားပြီးနောက် ​ဂျောင်ဝူဂျင်းဆိုတဲ့နာမည်နဲ့ မင်းသားတစ်ယောက်အဖြစ် ပြန်လည်ထွက်ပေါ်လာပါတော့တယ်။
ဘဝမှာ ဒုက္ခပင်လယ်ဝေနေတဲ့ ဘဲ့​ဆောအာတစ်ယောက် အောင်မြင်တဲ့ဇာတ်ညွှန်းရေးဆရာမတစ်ယောက်ဖြစ်လာတဲ့အခါ မိထွေးဖြစ်သူနဲ့ ချစ်သူဖြစ်ခဲ့တဲ့ သူနှစ်ယောက်ကို ဘယ်လိုတွေလက်စားချေသွားမှာလဲဆိုတာကို အပိုင်း (၁၀၁) ပိုင်းတောင်ရှိတဲ့အတွက် အားရပါးရ လောင်ရင်းကြည့်ရှုသွားရမဲ့ ဇာတ်ကားလေးပဲဖြစ်ပါတယ်။