The War Between the Land and the Sea: Season 1

The War Between the Land and the Sea (2025)

Season 01 (Ongoing)

IMDb Rating (6.9) / Rotten Tomatoes (71%)

BBC ကရိုက်တဲ့ဇာတ်လမ်းတွေဆိုရင်‌ Netflix နဲ့မတူဘဲ သေချာထိထိမိမိရှိပြီး စိတ်ဝင်စားဖို့ကောင်းတာများတယ်..

ဒီဇာတ်လမ်းဆိုရင်လည်း လွန်ခဲ့တဲ့ နှစ်သန်းပေါင်းများစွာ လူသားတွေမပေါ်ခင်ထဲကရှိခဲ့တဲ့ မျိုးနွယ်စုအကြောင်းကိုရိုက်ကူးထားပါတယ်..

ဟိုမိုအက်ကွာလို့ခေါ်တဲ့ မျိုးနွယ်စုဟာရေနေမျိုးနွယ်စုဖြစ်ပြီး နှစ်သန်းပေါင်းများစွာထဲက ရှိခဲ့တာပါ..

ကမ္ဘာကြီးက ကုန်းမြေတိုက်ကြီးတွေ ခွဲထွက်လာတဲ့အချိန် လူသားတွေပေါ်လာတဲ့အခါမှာ သူတို့မျိုးနွယ်စုဟာ သမုဒ္ဒရာကြမ်းပြင်မှာပိတ်ခံလိုက်ရပြီး ဆောင်းခိုနေရပါတယ်..

ဒါပေမဲ့ ယနေ့ခေတ်ရောက်လာတော့ လူသားတွေရဲ့ ရေညစ်ညမ်းမှုနဲ့ ပင်လယ်သမုဒ္ဒရာကို ဖျက်စီးမှုတွေကြောင့် ပင်လယ်အောက်ကနေ ပြန်ပေါ်လာပြီး လူသားတွေနဲ့စစ်ခင်းဖို့ အကြောင်းတည်လာပါတော့တယ်..

စစ်မဖြစ်ခင် လူသားကမ္ဘာကို ဟိုမိုအက်ကွာတွေရဲ့ သံအမတ်ကိုခေါ်ပြီးညှိနှိုင်းဖို့ပြင်ဆင်ထားပေမဲ့ လူသားမျိုးနွယ်ထဲမှာ သူတို့ကိုယ်စားလှယ်အနေနဲ့ စကားပြောချင်တာက လူတစ်ယောက်ပဲရှိပါတယ်..

ဘာကလေလို့ခေါ်တဲ့ အစိုးရရုံးဝန်ထမ်းလေးပါ…မိန်းမနဲ့ကွဲထားပြီး ဘဝကိုဖြစ်သလိုဖျက်သန်းနေတဲ့ ဘာကလေဟာ ရေအောက်အသိဉာဏ်ရှိသတ္တဝါတွေက သူ့ကိုဘာကြောင့်ရွေးချယ်ပြီးဆွေးနွေးချင်တာလဲ..?

ကမ္ဘာကြီးနဲ့ လူသားတွေရဲ့ ကံကြမ္မာသူ့အပေါ်မူတည်လာတဲ့အခါ ဘယ်လိုရင်ဆိုင်ဖြတ်သန်း သွားရမလဲ ကြည့်ရမှုရမဲ့ British ဇာတ်လမ်းတွဲကောင်းတစ်ခုဖြစ်ပါတယ်..