I Am What I Am 2

ဒီတစ်ခါ တင်ဆက်ပေးမဲ့ဇာတ်ကားလေးကတော့ 2021 ခုနစ်လောက်က ဝက်ဝက်ကွဲနာမည်ကြီးခဲ့တဲ့ ခြင်္သေ့အကနဲ့ သိုင်းပညာကို
ပေါင်းစပ်ထားတဲ့ I’m what I’m ဆိုတဲ့ ကားလေးရဲ့ ဒုတိယအတွဲပဲဖြစ်ပါတယ်။

ဇာတ်လမ်းလေးကို ညွှန်းရမယ်ဆိုရင် နယ်မြို့လေးကနေ အဖေဆေးကုဖို့အတွက် ရှန်ဟိုင်းမြို့ကိုတက်လာခဲ့တဲ့ အားကျွမ်းဆိုတဲ့လူငယ်လေးဟာ
ခြင်္သေ့အကမှာ တဖက်ကမ်းခတ်ကျွမ်းကျင်ပါတယ်။

သို့ပေမဲ့လည်း ကျွမ်းကျင်ရာ အလုပ်နဲ့ အသက်မွေးဝမ်းကျောင်းပြုလို့မရတာတစ်ကြောင်း ဖခင်ဖြစ်သူအတွက် ဆေးကုသစရိတ်က ယွမ်သိန်းချီ
ကုန်ကျမှာဖြစ်တာတစ်ကြောင်း ကြုံရာကျပန်းအလုပ်ကိုဝင်လုပ်နေတာပါ။

တစ်နေ့ သူ့ဆီကို သူငယ်ချင်းတွေဖြစ်တဲ့ အားမောင်းနဲ့ အားကို နှစ်ယောက် ရောက်လာတဲ့အချိန် တိုက်ခန်းပိုင်ရှင်က လူများလို့ လက်မခံတာရယ်ကြောင့်
လမ်းဘေးမှာ အိပ်ရတော့မဲ့အခြေအနေကိုရောက်နေတဲ့အချိန်မှာပဲ အချိန်ပိုင်းအလုပ်အဖိုးအခကို သွားတောင်းရင်း
လက်ဝှေ့ရုံပိုင်ရှင်ရဲ့ သမီးဝမ်‌ကျောင်းယွီနဲ့ဆုံပါတော့တယ်။

အားကျွမ်းလာတဲ့အချိန်က ဝမ်ကျောင်းယွီဆီကို လူလည်ကျတဲ့သူတွေက ငွေညှစ်နေတဲ့အချိန်နဲ့တိုးတော့ ဝင်ကူပေးရာကနေ အားကျွမ်းရဲ့ တိုက်ရည်ခိုက်ရည်ကိုမြင်ပြီး လက်ဝှေ့ပြိုင်ပွဲဝင်ဖို့ ကမ်းလှမ်းပါလေရော။
ချန်ပီယံဖြစ်ရင် ယွမ်သုံးသိန်းရမှာဆိုတော့ အားကျွမ်းတစ်ယောက် လုပ်ဖို့ ဆုံးဖြတ်လိုက်ပါတော့တယ်။ ခြင်္သေ့အကသာ ကျွမ်းပေမဲ့ လက်ဝှေ့ပညာကို မသင်ယူဖူးတဲ့
အားကျွမ်းတစ်ယောက် လက်ဝှေ့ကြိုးဝိုင်းထဲဝင်ဖို့ အခက်အခဲတွေကို ဘယ်လိုကျော်ဖြတ်မှာလဲ………

• ခြင်္သေ့အက
• သိုင်းပညာ