Love

လူတစ်ယောက်မှာ လိင်ဆက်ဆံဖက်တွေ အများကြီးရှိပြီး တစ်ချိန်တည်းမှာပဲ ကိုယ်နှစ်နှစ်ကာကာမြတ်နိုးရတဲ့သူတစ်ယောက် ရှိနေဖို့ဟာ ဖြစ်နိုင်ပါရဲ့လား..

ဖြစ်နိုင်၏ မဖြစ်နိုင်၏ဟာ တစ်ဦးစီရဲ့ အမြင်အပေါ်မှာသာမူတည်မှာဖြစ်ပြီး တာဝန်ဝတ္တရားတွေကို ရှောင်လွှဲဖို့အတွက် အတည်တကျ ဆက်ဆံရေးတစ်ခုကိုအစမပြုဘဲ ခရီးသွားဟန်လွှဲ လိင်ဆက်ဆံမှုကိုသာ ကြိုက်နှစ်သက်သူများရှိနေသလို စိတ်လုံခြုံမှုပေးနိုင်တဲ့ အတည်တကျ ဆက်ဆံရေးလိုချင်သူများ ၊ လက်ထပ်ပြီးအိမ်ထောင်တစ်ခု ထူထောင်ချင်သူများ အစရှိသဖြင့် မျှော်လင့်ရာ ဆက်ဆံရေးပုံစံပေါင်းစုံနဲ့ လူမျိုးစုံတည်ရှိနေကြတယ်ဆိုတာကိုတော့ လက်ခံကြရမှာပါ..
ဒီဇာတ်ကားလေးဟာ ဒါရိုက်တာ Dag Johan Haugerud ရိုက်ကူးထားတဲ့ Sex ၊ Dreams ၊ Love အမည်ရ Trilogy ရုပ်ရှင်များရဲ့ နောက်ဆုံးအပိုင်း ဇာတ်ကား ဖြစ်ပါတယ်..ဒီ Trilogy ဟာဆိုရင် တစ်ဦးချင်းစီရဲ့ လိင်မှုဘဝနဲ့ ချစ်ခြင်းမေတ္တာအပေါ် အမြင်များ၊ စိတ်ကူးအိပ်မက်များ၊ မျှော်လင့်ချက်နဲ့ မကျေနပ်မှုများ၊ သိမ်မွေ့ရှုပ်ထွေးလှတဲ့လူမှုဆက်ဆံရေးပုံစံများစတဲ့ လူ့စိတ်သဘောအသေးစိတ်ကို သိမ်သိမ်မွေ့မွေ့ ဖော်ထုတ်ကာ ကျယ်ပြန့်တဲ့အတွေး ကျယ်ပြန့်တဲ့ ရှုထောင့်နဲ့ တင်ဆက်ရိုက်ကူးထားတာပဲဖြစ်ပါတယ်..

Love ဆိုတဲ့ ဇာတ်ကားမှာတော့ ချစ်ခြင်းမေတ္တာရဲ့ အဓိပ္ပါယ်ကောက်ယူပုံ ရှုပ်ထွေးမှု၊ အနုစိတ်ဖြစ်တဲ့ စိတ်ခံစားချက်များကို အရင်းအတိုင်းထုတ်ဖော်ပြမှု၊ ယနေ့ခေတ်ရဲ့ ဆက်ဆံရေးပုံစံများကို အဓိကထားတင်ဆက်ထားတာ ဖြစ်ပါတယ်..နော်ဝေနိုင်ငံ အော့စလိုမြို့ရဲ့ အလှအပများ ရှုခင်းများနဲ့ ခြံရံရိုက်ကူးထားပြီး နော်ဝေလူနေမှုစနစ်များကို မြင်တွေ့ရမှာဖြစ်တဲ့အပြင် အနုပညာမြောက်စွာ သိမ်သိမ်မွေ့မွေ့ ပုံဖော်ထားတဲ့လူမှုဆက်ဆံရေးပုံစံနဲ့စိတ်နေစိတ်ထားများကို မြင်တွေ့ရမှာဖြစ်လို့ ရုပ်ရှင်ချစ်ပရိသတ်များ အတွေးသစ်အမြင်သစ်ရနိုင်စေရန် ညွှန်ဆိုတင်ဆက်ပေးလိုက်ရပါတယ်ခင်ဗျာ…

• exploring sexuality
• ferry
• gay
• hospital
• male male relationship
• male nurse
• talking about sex
• urologist