The Priest: Thanksgiving Massacre

The Priest: Thanksgiving Massacre (2026)

++++++++++++++++

ဇာတ်လမ်းက လွန်ခဲ့တဲ့ ၁၇ ရာစု အမေရိကန်ပြည်ထောင်စုမှာ အခြေချနေထိုင်ခဲ့ကြတဲ့ခေတ်ကတည်းက စတာပါ။ အဲဒီတုန်းက အစားအစာငတ်မွတ်ခေါင်းပါးလွန်းလို့ အသက်ရှင်ဖို့အတွက် လူသားချင်း ပြန်စားပြီး လူသတ်မှုတွေကျူးလွန်ခဲ့တဲ့ ဘုန်းတော်ကြီးတစ်ပါး ရှိခဲ့ပါတယ်။ အဲဒီဘုန်းတော်ကြီးဟာ နောက်ဆုံးမှာ ကိုယ့်ကိုယ်ကိုယ် အဆုံးစီရင်သွားခဲ့ပါတယ်။

ခေတ်ပြိုင်ကာလရောက်တဲ့အခါမှာတော့ တွမ် (Tom) ဆိုသူ အမျိုးသားဟာ သူ့ရဲ့ ဆယ်ကျော်သက် သားသမီးတွေနဲ့ ချစ်သူအသစ် ဆာရာ (Sara) တို့ကိုခေါ်ပြီး တောအုပ်ထဲက သစ်သားအိမ်လေးမှာ ကျေးဇူးတော်နေ့ဆင်နွှဲဖို့ ပြင်ဆင်ကြပါတယ်။
ဒါပေမဲ့ မထင်မှတ်ဘဲ တွမ်ရဲ့ ခွဲနေတဲ့ဇနီးဟောင်း စင်ဒီ (Cyndy) ရဲ့ ကားက လမ်းမှာ ပျက်သွားတာကြောင့် သူပါ အဲဒီအိမ်ကိုရောက်လာခဲ့ရပြီး မိသားစုဝင်တွေကြား ကမောက်ကမစိမ်းကားမှုတွေနဲ့ စတင်ခဲ့ပါတယ်။

အဓိကပြဿနာကတော့ သူတို့ငှားထားတဲ့သစ်သားအိမ်သစ်ကြီးဟာ လွန်ခဲ့တဲ့ ၁၇ ရာစုတုန်းက လူသားစားဘုန်းတော်ကြီး ကိုယ့်ကိုယ်ကိုယ် အဆုံးစီရင်သွားခဲ့တဲ့ အိမ်ဟောင်းနေရာ မြေအောက်အုတ်မြစ်ပေါ်မှာဆောက်ထားတာပါပဲ။

ကျေးဇူးတော်နေ့ညမှာတင် မြေအောက်ထဲကနေ အသက်ပြန်ရှင် နိုးထလာတဲ့ သွေးဆာနေတဲ့ ဇွန်ဘီဘုန်းတော်ကြီးဟာ ဒီမိသားစုတစ်စုလုံးကို သူ့ရဲ့ ကျေးဇူးတော်နေ့စားပွဲဝိုင်းကြီးအဖြစ် သတ်ဖြတ်စားသောက်ဖို့ ရောက်ရှိလာပါတော့တယ်။ မိသားစုဝင်တွေ အချင်းချင်းကြား ပြဿနာတွေကိုဘေးချိတ်ပြီး ဒီသဘာဝလွန် သတ္တဝါဆန်းကြီးရန်ကနေ ဘယ်လိုအသက်လုရုန်းကန်ကြမလဲဆိုတာကို ရိုက်ပြထားတာ ဖြစ်ပါတယ်။

၁၇ ရာစု ဘုန်းကြီးရဲ့ လူသားချင်းပြန်စားတဲ့ဇာတ်ကွက်တွေ၊ ဇွန်ဘီကြီးက မိသားစုကို ရက်ရက်စက်စက်လိုက်သတ်တဲ့ သွေးထွက်သံယိုအခန်းတွေ၊ ရုတ်တရက် လန့်သွားစေမဲ့ Jump Scare အခန်းတွေလည်း ပါတာမို့လို့ ဒီကားက 18+ (Rated R) အဆင့် သတ်မှတ်ထားပါတယ်။

ဒါကြောင့် ကလေးတွေနဲ့စိတ်နုတဲ့သူတွေအတွက်တော့ မသင့်တော်ပါဘူး။ B-grade သွေးထွက်သံယိုသရဲကားပေါ့ပေါ့ပါးပါး ကြည့်ချင်သူတွေပဲ ကြည့်ဖို့ညွှန်းချင်ပါတယ်။

• cannibalism
• killer priest
• pilgrims
• thanksgiving