Don’t Trust the Couple Upstairs

Don’t Trust the Couple Upstairs (2026)

IMDb Rating (5.0)

မာရီယာနဲ့ဂျိုးတို့ဟာ မြို့ပြရဲ့ရုပ်၀တ္ထုတွေနဲ့ မွန်းကျပ်မှုတွေ၊ ရုန်းကန်နေရတဲ့ အလုပ်ခွင်ပင်ပန်းမှုတွေကိုစွန့်လွှတ်ပြီး သဘာ၀နဲ့နီးကပ်တဲ့ ခြံကျယ်ကြီးထဲမှာ ဘ၀သစ်စဖို့ဆုံးဖြတ်ခဲ့ကြတဲ့ ဇနီးမောင်နှံပါ။ သူတို့က အိမ်စရိတ်ပေါ့ပါးဖို့နဲ့ဘ၀သစ်မှာမြန်မြန်အခြေချနိုင်ဖို့ အိမ်မှာ ဗစ်ကီနဲ့ကလေးရ် ဆိုတဲ့ လူငယ်စုံတွဲတစ်ခုကို အငှားတင်ထားခဲ့ပါတယ်။ အစပိုင်းမှာအားလုံးက အဆင်ပြေ ပျော်စရာအတိဖြစ်ခဲ့ပေမဲ့ နောက်ပိုင်းမှာတော့ ဒီစုံတွဲဟာ တစ်ခုခုကိုလျှို့ဝှက်ထားကြောင်း ရိပ်မိလာကြပါတော့တယ်။

တစ်နေ့တော့ ဗစ်ကီ မတော်တဆမှုတစ်ခုနဲ့ သေဆုံးသွားခဲ့ပြီး ကလေးရ်ကတော့ အိမ်ကနေထွက်ပြေးသွားခဲ့ပါတယ်။ ဒီအမှုဟာလည်းမတော်တဆသေဆုံးမှုမဟုတ်ဘဲ လူသတ်မှုသာဖြစ်တယ်ဆိုတာ ရဲကသတ်မှတ်လိုက်ချိန်မှာတော့.. အဲ့ဒီအမှုမတိုင်ခင်ကတည်းက မသင်္ကာစရာတွေတွေ့ထားတဲ့ မာရီယာတစ်ယောက် ကြိတ်စုံစမ်းရင်း ဗစ်ကီနဲ့ကလေးရ်ရဲ့လျှို့ဝှက်ချက်တွေတင်မကပဲသူ့ခင်ပွန်းဖြစ်သူ ဂျိုးရဲ့နောက်ကွယ်က အတိတ်တွေကိုပါ သိရှိလာတဲ့အခါမှာတော့..။

Lifetime Network ကနေထုတ်လွှင့်ခဲ့ပြီး အခုလောလောဆည် Netflix မှာ ထရန်းဖြစ်နေတဲ့ Mystery Thrillerဇာတ်ကားသစ်ပါ။ Lifetime Thriller ဇာတ်ကားတွေမှာမြင်တွေ့နေကျ အစိတ်အပိုင်းတွေအပြည့်အ၀ပါပေမဲ့ သူ့ပရိသတ်တွေအတွက်ကတော့ ဒါတွေကိုပဲ မရိုးစတမ်းစွဲလန်းနေကြတာဖြစ်လို့ အကြိုက်တွေ့ကြဦးမှာပါ။ အစကနေ အဆုံးထိ တစ်ထိုင်တည်းကြည့်ဖြစ်မဲ့ စိတ်ဝင်စားစရာ ဇာတ်လမ်းတစ်ပုဒ်ပါပဲ။