Video Sources 612 Views Report Error

Watch traileryoutube.com
Little Rose (2010)Unknown resource

Little Rose

Mar. 12, 2010PL118 Min.13+

Your rating: 0

9 1 vote

Info
Cast

အကောင့်ဖွင့်ရန် ပုံအပေါ်သို့နှိပ်ပါ

Synopsis

Little Rose (2010)

1967-68 ပိုလန်နိုင်ငံမှာ နိုင်ငံရေးမတည်ငြိမ်မှုတွေဖြစ်နေတဲ့ကာလက အဖြစ်အပျက်ကို အခြေခံပြီးရိုက်ကူးပုံဖော်ထားတဲ့ သမိုင်းကြောင်းနောက်ခံ Drama ကားလေးပဲဖြစ်ပါတယ်။

တစ်နေ့မှာ ကာမီလာဆိုတဲ့မိန်းကလေးဟာ ပိုလန်ကွန်မြူနစ်အစိုးရရဲ့အမျိုးသားလုံခြုံရေးဌာနက ဗိုလ်ကြီးရိုမန်နဲ့ ချစ်ကျွမ်းဝင်သွားပါတယ်။ အဲ့အချိန်ကာလတုန်းက ဂျူးဆန့်ကျင်ရေးလှုပ်ရှားမှုအားကောင်းနေပြီး နိုင်ငံတွင်းမှာရှိနေတဲ့ဂျူးတွေကို မောင်းထုတ်ချင်နေတဲ့ပိုလန်အစိုးရအတွက် ဘယ်သူက ဂျူးမျိုးလဲဆိုတာကိုဖော်ထုတ်ဆိုတာ အတော်လေးခေါင်းစားစရာပါ။

အဲဒီထဲမှာမှ ဝါဆောမှ Seen ဆိုတဲ့ရေဒီယိုအသံလွှင့်မှုတွေကလည်း လူထုအုံကြွမှုဆီဦးတည်နေတော့ ပိုလန်အစိုးရအတွက် တစ်ပူပေါ်နှစ်ပူဆင့်ဆိုသလိုပါပဲ။ အဲ့အတွက် အသံလွှင့်သူကိုဖော်ထုတ်ဖို့ အစိုးရကပေါ်ပြူလာဖြစ်တဲ့ စာရေးဆရာတွေ တက္ကသိုလ်ပါမောက္ခတွေကိုစပြီး ပစ်မှတ်ထားလာပါတော့တယ်။

အဒမ်ဝါချက်စကီကတော့ ကွန်မြူနစ်ဆန့်ကျင်ရေးစာပေတွေရေးသားနေတဲ့ နာမည်ကျော်စာရေးဆရာဖြစ်ပြီး ကာမီလာအလုပ်လုပ်တဲ့ တက္ကသိုလ်ကပါမောက္ခလည်းဖြစ်ပါတယ်။ အဒမ် ဟာ ကွန်မြူနစ်တွေကို တိုက်ခိုက်တဲ့သရော်စာတွေရေးတဲ့နေရာမှာ လက်စောင်းထက်တဲ့သူဆိုတော့ အစိုးရအတွက် ပိုပြီးသံသယဖြစ်စရာ ပစ်မှတ်ဖြစ်လာပါတော့တယ်။

အဒမ့်ကိုစောင့်ကြည့်ဖို့အတွက် ရိုမန့်ခေါင်းပေါ်ရောက်လာတဲ့အခါမှာ ရိုမန်ဟာအဒမ်နဲ့ ဌာနာတစ်ခုတည်းမှာအလုပ်လုပ်နေတဲ့ သူ့ချစ်သူကာမီလာကို အစိုးရစပိုင်လုပ်ဖို့ စည်းရုံးပါတော့တယ်။ ရိုမန့် ကိုအရမ်းချစ်တဲ့ ကာမီလာဟာနောက်ဆုံးစပိုင်လုပ်ဖို့သဘောတူလိုက်ပြီး ပါမောက္ခအဒမ်ကို ဘယ်လိုချဉ်းကပ်သွားမလဲ? အဒမ်ကရော အစိုးရထင်နေသလို လူထုအုံကြွမှုတွေဖြစ်အောင်လှုံ့ဆော်တဲ့သူလားဆိုတာကို ဆက်ကြည့်လိုက်ရအောင်ပါ။

Original title Różyczka

IMDb Rating 7 1,968 votes

TMDb Rating 6.9 46 votes