Not Me That Went Viral

Not Me That Went Viral (2025)
*****************************

ဒီဇာတ်ကားကတော့ ဂျပန်က နာမည်ကြီး စာရေးဆရာ Akinari Asakura ရဲ့ဝတ္ထုဖြစ်ပြီး မန်ဂါအနေနဲ့ရော ရုပ်ရှင်အနေနဲ့ပါ ဖန်တီးခွင့်ရခဲ့တဲ့ အရမ်းမိုက်တဲ့ ဇာတ်ကားဖြစ်ပါတယ်။

ဒီဇာတ်ကားမှာ မင်းသားကြီး Abe Hiroshi၊ မင်းသားချော Fujiwara Taiyu နဲ့ Nagao Kento နဲ့ မင်းသမီးချော Ashida Mana၊ Natsukawa Yuiတို့ ပါဝင်ထားကြပါတယ်။

ကုမ္ပဏီတစ်ခုရဲ့ အရောင်းဌာနမှူး တာအိဆူကဲ၊ စည်းကမ်းကြီးပြီး အလုပ်ကို အရမ်းကြိုးစားလွန်းသူ၊ အလုပ်နဲ့ပတ်သက်ရင် အမှားလုံးဝမခံသူ၊ အားလပ်ချိန်မှာ ဂေါ့ဖ်ရိုက်ဖို့ ဝါသနာပါသူ ..

ဒီလိုလူတစ်ယောက်က တက္ကသိုလ်ကျောင်းသူကိုသတ်ခဲ့တဲ့ လူသတ်သမားအဖြစ်နဲ့ အွန်လိုင်းပေါ်မှာ ပုံဖော်စွပ်စွဲခံရပြီး နာရီပိုင်းလေးအတွင်းမှာပဲ အွန်လိုင်းမှာ အရှာဖွေခံရဆုံး၊ လူစိတ်အဝင်စားဆုံး တစ်နိုင်ငံလုံးရဲ့ အမုန်းခံရဆုံးသူ ဖြစ်သွားပါတော့တယ်။

ဒါတင်မကသေး သူနဲ့ပတ်သက်ပြီး မကောင်းတဲ့မှတ်ချက်တွေ ပလူပျံနေတဲ့အတွက် အလုပ်မှာရော အိမ်မှာပါ နေလို့မရဘဲ ပုန်းနေခဲ့ရပါတယ်။

မကြာခင် သူ အိမ်ကို တစ်ခဏလေးခိုးပြီးပြန်လာချိန် လူသေအလောင်းကိုပါ မတော်တဆ တွေ့မိသွားတဲ့အခါမှာတော့ တာအိဆူကဲဟာ အရမ်းလန့်သွားပြီး ကားနဲ့ထွက်ပြေးပါတော့တယ်။

တစ်နေရာအရောက်မှာတော့ သူ့အိမ်စာတိုက်ပုံးထဲက ယူလာတဲ့စာကိုဖတ်ကြည့်ပြီး ကားကိုပါပစ်ထားကာ ခြေဦးတည့်ရာ ထပ်မံ ထွက်ပြေးပါတော့တယ်။ ထွက်ပြေးနေရင်းနဲ့ သူ ဘာမှမလုပ်ခဲ့တာကို သေချာသိပြီး သူ့ကိုချောက်ချခဲ့တဲ့ တရားခံကို ပြန်ရှာဖို့ ဆုံးဖြတ်လိုက်ပါတယ်။

ဒါပေမဲ့ သူ့ကို တရားခံအဖြစ် သတ်မှတ်ထားတဲ့ အွန်လိုင်းသုံးစွဲသူတွေနဲ့ ရဲတွေက သူ့နောက်ကို တစ်ချိန်လုံး လိုက်နေကြတဲ့အခါ .. တာအိဆူကဲဟာ ပါးပါးနပ်နပ်နဲ့ သူ့ကို ချောက်ချခဲ့လူနဲ့ လူသတ်သမား တရားခံကို ရှာဖွေဖော်ထုတ်နိုင်ဖို့ ဘာတွေလုပ်သွားမလဲဆိုတာ …

• based on novel or book
• sns
• social media
• social network