Sons of the Neon Night

Sons of the Neon Night (2025)

IMDb Rating : 5.8/10

ဟောင်ကောင်ရုပ်ရှင်လောကမှာ ဆယ်စုနှစ်တစ်ခုစာနီးပါးစောင့်မျှော်ရတဲ့ Crime Epic ရုပ်ရှင်ဇာတ်ကားကြီးတစ်ကားဖြစ်ပါတယ်။ ဒီဇာတ်ကားကို
၂၀၁၇ – ခုနှစ်လောက်ကစတင်ရိုက်ကူးခဲ့တာဖြစ်ပြီးတော့ ကိုဗစ်ကြောင့်ရယ် ၊ ဒါရိုက်တာက ဇာတ်ကားရဲ့အရည်အသွေးကို စိတ်တိုင်းကျပြင်ဆင်နေတာကြောင့်ရယ်ကြောင့်
post-production ပိုင်းမှာ နှစ်တော်တော်ကြာကြာသွားတဲ့အတွက် ဟောင်ကောင်ရုပ်ရှင်လောကမှာ အကြာဆုံးစောင့်ဆိုင်းရတဲ့ဇာတ်ကားလို့တင်စားကြပါတယ်။

ဒီကားမှာ ဂျပန်-တရုတ်မင်းသားချော Takeshi Kaneshiro ( Jin Cheng Wu) ဟောင်ကောင်မင်းသား Louis Koo, Tony Leung Ka-fai တို့လို
ဒိတ်ဒိတ်ကျဲသရုပ်ဆောင်တွေက ဦးဆောင်ပါဝင်ထားပါတယ်။ ဒါရိုက်တာ Juno Makကဒီဇာတ်ကားကို အနုပညာဆန်ဆန် Lighting ပိုင်းမှာသုံးသွားတာ
ဟောင်ကောင်ကားတွေမှာ မမြင်ဖူးသလောက်အဆင့်အတန်းပါပဲ။

ဇာတ်လမ်းအကျဉ်းကတော့……

ဟောင်ကောင်သူဌေးကြီးတစ်ယောက်ကို သေဆုံးသွားစေတဲ့ ပေါက်ကွဲမှုတစ်ခုကနေအရာအားလုံးစတင်ပါတယ်။
အဲဒီပေါက်ကွဲမှုကြောင့် မူးယစ်ဆေးဝါးကုန်ကူးတဲ့သူတွေနဲ့ မူးယစ်ဆေးဝါးတိုက်ဖျက်သူတွေကြားမှာ အပြင်းအထန်အားပြိုင်မှုတွေဖြစ်လာပါတယ်။
မူးယစ်ဆေးဝါးဂိုဏ်းရဲ့ အမွေဆက်ခံသူက မူးယစ်ဆေးဝါးကင်းစင်တဲ့ကမ္ဘာတစ်ခုကို တည်ဆောက်မယ်ဆိုတဲ့ အကြောင်းပြချက်တစ်ခုနဲ့
လူမှုပတ်ဝန်းကျင်ကြီးတစ်ခုလုံးကို ပဋိပက္ခတွေဖြစ်အောင်လုပ်ဖို့ ဝန်မလေးပါဘူး။

ဒါပေမယ့် သူဖန်တီးမဲ့ အဲ့ဒီမူးယစ်ကင်းစင်တဲ့ကမ္ဘာဆိုတာ လူတွေထင်ထားတာထက် ပိုပြီးရှုပ်ထွေးပြီး ကစဉ့်ကလျားဖြစ်နေတဲ့အခါ အရာအားလုံးကိုအပျက်စီးခံပြီး
ယို့ယွင်းနေတဲ့လောကကြီးကို တည့်မတ်အောင်လုပ်တာ လမ်းမှန်ရောဟုတ်ရဲ့လား……

• ambivalent
• drug crime