The Butcher’s Blade

The Butcher’s Blade (2026)

နေရာကတော့ အာဏာနဲ့ ပိုက်ဆံရှိတဲ့သူတွေက အရာရာကို ချယ်လှယ်နေတဲ့ မြို့တစ်မြို့မှာပါ။

အဲ့ဒီမှာ ရွှယ်ပုယိ ဆိုတဲ့ အရာရှိလေးတစ်ယောက်ရှိတယ်။ လူကတော့ မှန်တယ်ထင်ရင် ဘယ်သူ့မျက်နှာမှမထောက်ဘဲ ချလိုက်တာပဲ အဲ့ဒီစိတ်ဓာတ်ကြောင့် အလုပ်ထဲမှာ ဆယ်နှစ်လုံးလုံး နေရာမတက်ဘဲ ဘေးကိုပဲအမြဲအပို့ခံနေရတယ်။
တစ်နေ့မှာတော့ ကံဆိုးမိုးမှောင်ကျပြီး သူ့ခေါင်းပေါ်ကို မိုးကြိုးပစ်ချလိုက်သလိုပါပဲ။ အစိုးရရဲ့ ကယ်ဆယ်ရေးရန်ပုံငွေတွေ အခိုးခံရတဲ့အမှုကြီးတစ်ခုမှာ
သူ့ကို တရားခံအဖြစ် လက်ညှိုးထိုးပြီး ထောင်ထဲထည့်လိုက်ကြပါတယ်။ သူဘာမှမသိလိုက်ဘူး၊ ဘာမှမလုပ်လိုက်ရဘဲနဲ့ သူ့ဘဝတစ်ခုလုံး ဇောက်ထိုးမိုးမျှော်ဖြစ်သွားပါတော့တယ်။

ထောင်ထဲမှာ အမှောင်ကျနေတဲ့ သူ့ဘဝကို အလင်းရောင်ပေးမဲ့သူ ပေါ်လာတယ်။ အဲ့ဒါကတော့ သူ့ရဲ့ဆရာသမားပါပဲ။
ဆရာသမားက သူ့ကို ထောင်ကနေထုတ်ပေးပြီး
“မင်းမမှားမှန်း ငါသိတယ်… တရားမျှတမှုကို ပြန်ရှာရမယ်” ဆိုပြီး လမ်းပြပေးခဲ့တယ်။ အဲ့ဒီမှာတင် ရွှယ်ပုယိတစ်ယောက် သူ့ဘဝကို
ဖျက်ဆီးခဲ့တဲ့သူတွေကို လက်တုံ့ပြန်ဖို့ ဆုံးဖြတ်ချက်ချလိုက်တော့တာပဲ။

သူတစ်ယောက်တည်းတော့ မဟုတ်ဘူး..သူ့ရဲ့ငယ်ပေါင်းကြီးဖော် ညီအစ်ကိုတစ်ယောက်နဲ့ ပြန်ပေါင်းပြီး ဒီအမှုရဲ့ နောက်ကွယ်က အမှန်တရားကို ဖော်ထုတ်ဖို့ ကြိုးစားကြတယ်။ ဒါပေမဲ့ သူတို့ထင်ထားသလို လွယ်မနေခဲ့ဘူး။
သူတို့စုံစမ်းလေလေ၊ ဒီအမှုက ပိုပြီးနက်နဲရှုပ်ထွေးလေလေပဲ။ နောက်ကွယ်မှာ ထိပ်ပိုင်းအရာရှိကြီးတွေ၊ အာဏာရှင်တွေက ပင့်ကူအိမ်လို
ချိတ်ဆက်ပြီး အကျင့်ပျက်ခြစားမှုတွေလုပ်နေကြတာကို တွေ့လိုက်ရတယ်။

အဆိုးဆုံးကတော့ ရွှယ်ပုယိကိုယ်တိုင်က အဲ့ဒီအာဏာရှင်တွေရဲ့ လက်ထဲက “ဓား” တစ်လက်လို ဖြစ်လာတာပဲ..သူတို့ခိုင်းတာလုပ်ရင်.. အသက်ရှင်မယ်၊
မလုပ်ရင် သေမယ်ဆိုတဲ့ အခြေအနေမျိုး။

ဒီတော့… ရိုးသားဖြောင့်မတ်လှပါတယ်ဆိုတဲ့ ရွှယ်ပုယိတစ်ယောက် ဘာဆက်လုပ်မလဲ။ အဲ့ဒီလူယုတ်မာတွေရဲ့
လက်ကိုင်တုတ် “လူသတ်ဓား” အဖြစ်နဲ့ပဲ ဆက်နေမလား။ ဒါမှမဟုတ် သူ့ရဲ့ယုံကြည်ချက်အတိုင်း အရာအားလုံးကို ချုပ်ကိုင်ထားတဲ့
အဲ့ဒီလူတွေကို တစ်ယောက်တည်း ရင်ဆိုင်ပြီး သူ့ရဲ့ “ဓား” ကို ပြန်လည်သွေးမလားဆိုတာကိုတော့… ဇာတ်လမ်းဆက်ကြည့်မှပဲ သိရမှာဖြစ်ပါတယ်။

• costume drama
• historical fiction