Would You Kill for Me? The Mary Bailey Story

သားသမီးဆိုတာ မိဘအတွက် ဘာမဆိုလုပ်ပေးနိုင်တဲ့ သူရဲကောင်းကြီးတွေ ဖြစ်ကြသလို မိဘအတွက်ဘာမဆိုလုပ်ပေးနိုင်တဲ့ သားသမီးတွေလည်း ရှိကြပါတယ်။ ဒီဇာတ်ကားလေးထဲမှာတော့ Would You Kill for Me? The Mary BaileyStory ဆိုတဲ့ဇာတ်ကားနာမည်အတိုင်း အမေ့အတွက် သမီးလူသတ်ပေးနိုင်မလား ဆိုတဲ့ အကြောင်းအရာလေးကို စိတ်ဝင်စားစရာကောင်းအောင် ဖြစ်ရပ်မှန်တစ်ခုကို ပြန်လည်ရိုက်ကူးထားတာကိုတွေ့ရမှာဖြစ်ပါတယ်။ တကယ်လည်း ကြည့်လိုအရမ်းကောင်းတဲ့ ဇာတ်ကားတစ်ကားပဲ ဖြစ်ပါတယ်။

ဇာတ်လမ်းရဲ့အစမှာတော့ အိမ်တစ်အိမ်မှာ ပထွေးနဲ့ မိန်းမနဲ့ သားသမီးတွေကြားက အော်ဟစ်ဆူညံသံတွေကို တွေ့ရမှာဖြစ်ပြီး တစ်ခဏ အကြာမှာတော့ သေနတ်သံတစ်ချက်နဲ့ အတူအရာအားလုံးက ငြိမ်သက်သွားပါတော့တယ်။ ခဏအကြာမှာတော့ ရဲတွေရောက်ရှိလာပြီး ပထွေးဖြစ်သူသေနတ်ဒဏ်ရာနဲ့ သေဆုံးနေတာကိုတွေ့ခဲ့ရပါတော့တယ်။ အဲ့လို သေနတ်နဲ့ပစ်သတ်ခဲ့တာ ဘယ်သူလည်းဆိုတာကို သိဖို့အတွက် မယ်ရီ အပြင် သူ့အမေဖြစ်သူ ဗရော်နီကာနဲ့ အဖွားဖြစ်သူတို့ကို စခန်းမှာ ထိန်းသိမ်းထားခဲ့ပါတော့တယ်။ ဘယ်သူဆိုတာ သဲသဲကွဲကွဲ အဖြေမပေါ်တဲ့အတွက် တရားရုံးတင်ပြီး စစ်ဆေးဖို့ဖြစ်လာပါတော့တယ်။

ဒီလိုနဲ့ သူတိုသုံးယောက်ရဲ့ တစ်ယောက်ချင်းစီပြောပြပုံတွေကို နောက်ကြောင်းပြန်တဲ့ အနေနဲ့ကြည့်ရှုပြီး နောက်ဆုံးမှာတော့ တကယ်တမ်းပထွေးဖြစ်သူကို သတ်ခဲ့တာ ဇာတ်ကားနာမည်အတိုင်း မယ်ရီဖြစ်နေမလားဆိုတာကို စိတ်ဝင်စားစရာကောင်းကောင်းနဲ့ ကြည့်ရှုရမဲ့ ဖြစ်ရပ်မှန်ဇာတ်ကားကောင်းလေးပဲဖြစ်ပါတယ်။

• ခံစားရသဇာတ်လမ်း
• စိတ်ဝင်စားဖွယ် ဇာတ်လမ်း
• ဖြစ်ရပ်မှန်ဇာတ်ကား
• မိဘအတွက် ပူပန်မှုများ
• သားသမီးနှင့် မိဘ ဆက်ဆံရေး