Motor City

Motor City (2026)
++++++++++

IMDb Rating (6.2) / Rotten Tomatoes (63%)

ဒီဇာတ်ကားကတော့ Action, Crime နဲ့ Revenge Thriller အမျိုးအစား ရုပ်ရှင်ဇာတ်ကားပဲ ဖြစ်ပါတယ်။ Old Henry ရုပ်ရှင်နဲ့ နာမည်ကျော်ခဲ့တဲ့ ဒါရိုက်တာ Potsy Ponciroli က ရိုက်ကူးထားပြီး သရုပ်ဆောင်တွေအဖြစ် Reacher မင်းသားကြီး Alan Ritchson, Shailene Woodley, Ben Foster နဲ့ Pablo Schreiber တို့က အဓိက ပါဝင်သရုပ်ဆောင်ထားကြပါတယ်။

ဇာတ်လမ်းကတော့ မစ်ရှီဂန်ပြည်နယ် ဒီထရွိုက်မြို့ရဲ့ ကားစက်ရုံ အလုပ်သမားတစ်ယောက်ဖြစ်တဲ့ John Miller ဆီကနေ စတာပါ။ သူဟာ ဒေသခံ မြေအောက် ရာဇဝတ်ဂိုဏ်းခေါင်းဆောင်ရဲ့ မတရား အကွက်ဆင် ထောင်ချောက်ဆင်မှုကြောင့် ထောင်ဒဏ် နှစ်ရှည်လများ ကျခံခဲ့ရပါတယ်။ နှစ်ပေါင်းများစွာ အကျဉ်းကျခံရပြီးနောက် ထောင်ကနေ ပြန်လည်လွတ်မြောက်လာချိန်မှာတော့ သူ့ဘဝတစ်ခုလုံး ဆုံးရှုံးသွားခဲ့ရသလို သူ့ရဲ့ ချစ်သူကောင်မလေးကိုလည်း အဲဒီ ဂိုဏ်းစတားက သိမ်းပိုက်ထားမှန်း သိလိုက်ရပါတော့တယ်။

အဲဒီနောက်မှာတော့ John ဟာ သူ့ကို အမှုဆင်ခဲ့တဲ့ လူတွေအပေါ် လက်တုံ့ပြန်ဖို့နဲ့ ဆုံးရှုံးသွားတဲ့ ဘဝနဲ့ အချစ်ကို ပြန်လည်ရယူဖို့အတွက် ဒီထရွိုက်မြို့ရဲ့ အမှောင်လောကထဲကို တစ်ယောက်တည်း ထိုးဖောက်ဝင်ရောက်ပါတော့တယ်။ စကားပြော အလွန်နည်းပြီး သွေးသံရဲရဲ လက်စားချေတာတွေ၊ အပြိုင်ကားမောင်းလိုက်ကြုံးတာတွေ ရန်သူတွေကို တစ်ဆင့်ပြီးတစ်ဆင့် ရှင်းထုတ်ရတာမျိုးတွေနဲ့ သည်းထိတ်ရင်ဖို အက်ရှင်ဇာတ်လမ်းကောင်းတစ်ခု ဖြစ်ပါတယ်။

ဒီဇာတ်ကားရဲ့ အထူးခြားဆုံး အချက်ကတော့ ဇာတ်ကားတစ်ကားလုံးနီးပါးမှာ စကားပြော (Dialogue) အနည်းငယ်သာ ပါဝင်ပြီး ရုပ်ရှင်ရဲ့ ရုပ်ထွက် visual တွေ၊ စည်းချက်ညီတဲ့ တေးဂီတနောက်ခံတွေနဲ့ အကြမ်းပတမ်း အက်ရှင်ပြကွက်တွေကိုသာ အဓိက အားပြု ပုံဖော်ထားတာပဲ ဖြစ်ပါတယ်။ မင်းသား Alan Ritchson ရဲ့ ဘော်ဒီကြီးနဲ့ ရက်စက်တဲ့ တိုက်ကွက်တွေကြောင့် ခေတ်ဟောင်း လက်စားချေ အက်ရှင်ကားတွေကို သဘောကျတဲ့ ပရိသတ်တွေ အကြိုက်တွေ့စေမဲ့ ရုပ်ရှင်ကောင်းတစ်ကား ဖြစ်ပါတယ်။

1970s,
gangster,
revenge,
detroit, michigan,
joyous,
awestruck,

• 1970s
• awestruck
• detroit
• gangster
• joyous
• michigan
• revenge